«ՎԵՏՕ» հասարակական-քաղաքական շարժումն իր մտահոգությունն է հայտնում «Ժողովուրդ» օրաթերթի խմբագրություն այսօր՝ դեկտեմբերի 19-ին կատարված ներխուժման և ազատ խոսքի ու մամուլի նկատմամբ հերթական ոտնձգության կապակցությամբ:
Այս ամենը հետևանք է Հայաստանում իշխանությունների կողմից գեներացվող ատելության ու անպատժելիության մթնոլորտի և վերջին ամիսներին հաճախակի դարձած նմանատիպ միջադեպերին համարժեք իրավական գնահատական չտալու: Հաշվի առնելով ԶԼՄ-ների խմբագրությունների վրա հարձակումների պարբերականությունը՝ կարող ենք փաստել, որ մամուլի հանդեպ ոտնձգություններն ու ազատ խոսքի սահմափակումը մեր երկրում այսօր վերածվում են անընդունելի օրինաչափության:
Մեր աջակցությունն ու զորակցությունն ենք հայտնում «Ժողովուրդ» օրաթերթի խմբագրակազմին:
«ՎԵՏՕ» հասարակական-քաղաքական շարժում