Մեր մասին

  «ՎԵՏՕ» հասարակական-քաղաքական շարժումը հիմնադրվել է գրող-հրապարակախոս Նարեկ Մալյանի կողմից՝ 2019 թվականի մայիսին՝ երկրում գործող Սորոսի գործակալական ցանցի դեմ պայքարելու նպատակով։ 

  Տարիներ շարունակ Սորոսի «Բաց հասարակության հիմնադրամներ-Հայաստան» գրասենյակը հավաքագրել և ֆինանսավորել է ապազգային ու հակապետական մտածողությամբ մարդկանց՝ ստեղծելով արտասահմանյան գործակալական ցանց: Այս սինդիկատի փողերով և ջանքերով հերոսացրել են մարդասպաններին, ծանր հանցագործներին, հետևողականորեն վարկաբեկել պետության հիմնասյուները՝ իրավական, կրթական համակարգերը, ուժային կառույցները, այդ թվում՝ բանակը, Հայ առաքելական եկեղեցին՝ նպատակ ունենալով քանդել մեր պետականության հիմքերը, ոչնչացնել արժեհամակարգային խարիսխները:

Հայաստանում Սորոսի ցանցի դեմ պայքարը տարվում էր տարբեր անհատների՝ քաղաքական տեխնոլոգների, սոցիալական հոգեբանների, տնտեսագետների, մեդիափորձագետների և այլ մասնագետների կողմից՝ իրարից առանձին, յուրաքանչյուրն իր մեթոդներով: Այդ մասնագետներից յուրաքանչյուրն, իր տեսանկյունից գնահատելով Սորոսի գործակալական ցանցի ողջ վտանգը, ժամանակի ընթացքում հասկացավ, որ կա այդ քայքայիչ գործունեությանը համակարգված հակազդելու կարիք: Որոշվեց միավորել ուժերն ու ռեսուրսները և մշակել Սորոսի ցանցի դեմ պայքարի միասնական ռազմավարություն ու մեթոդաբանություն:

  Այսպիսով, ստեղծվեց «ՎԵՏՕ» հասարակական-քաղաքական շարժումը, որի շրջանակներում անց են կացվում ակցիաներ ընդդեմ Սորոսի հիմնադրամի կողմից ֆինանսավորվող պետականաքանդ գործունեության:

  • «ՎԵՏՕ» հասարակական-քաղաքական շարժման օրակարգը

     «ՎԵՏՕ» հասարակական-քաղաքական շարժման օրակարգն է՝

    1. Ջորջ Սորոսի և նրա հետ փոխկապակցված բոլոր կազմակերպությունների ու հիմնադրամների արգելափակում ՀՀ տարածքում:
    2. Ջորջ Սորոսից երբևէ ուղղակի կամ անուղղակի ֆինանսավորված  ՀՀ քաղաքացի անձանց լյուստրացիա և որպես հետևանք՝ պետական պաշտոն զբաղեցնելու արգելանք:
    3. «Օտարերկրյա ազդեցության գործակալների մասին» օրենքի ընդունում: 
  • Սորոսի գործակալական ցանցը Հայաստանում

    Անցած 22 տարիների ընթացքում Սորոսի գործակալական ցանցին Հայաստանում հաջողվել է ՝

    • իր ազդեցության տակ առնել մեդիադաշտի մեծ մասը,
    • սեփականաշնորհել քաղհասարակությունը,
    • անվստահություն սերմանել և պառակտել հասարակությունը,
    • հեղինակազրկել պետական կառույցները, մասնավորապես՝ իրավապահ և ուժային համակարգերը,
    • վարկաբեկել ազգային ավանդական ինստիտուտները՝ ընտանիքը, եկեղեցին,

    և այս ամենի արդյունքում՝ զավթել ՀՀ-ում իշխանությունը: